|
| |||||||
| شعر و خواطر و قصايد لَجلْ أَكْتبْ شَعَرْ يَحْكِي بَعْض أَصْغَرْ مُعَانَاتِيْ |
 |
| | LinkBack | أدوات الموضوع | انواع عرض الموضوع |
12-02-2008, 06:32 PM
| رقم المشاركة : 1 (permalink) | |||||
|  شعر حب عاطفي - شعر غزل رومانسي - مجموعة اشعار قصيرة و طويلة رومانسية (.. [ خفوق الغلا ] .. ) ديوان شعر عاطفي صفحة تحوي أحب قصائد كتبتها { خاص بمنتديات الحاسب في حياتنا } I I (.. [ خفوق الغلا ] .. ) ::: ودّي أسألك .. ! ::: إن كان ودي أسألك في سؤالي كم هائل أسئله.. مدري أبدا بالسؤال الجوهري ولاّ أخذ من سؤالي أسهله .. وإن عزمت أرسل سؤالي أتعب أنسج في الكلام واجهله .. وشلون أبكتب صيغته وشلون ؟!!! يا كيف ابسأل قلبك اللي أمهله..؟!! كلما كتبته أمسحه ثم اكتبه ثم امسحه.. !! اعقبي يا مهزله! يا ني عجبت لحال فعلي..! كيف أبسأل سيدي ..وهذا سؤالي هجوله ؟!! ياكم كتبته وامسحه إما بدمعي أو كسير المرسمه أو مكحله ..! وانته تناشدني أقول اللي فبالي وش اقول ؟!! والمعالي في جبالي أسفله!؟؟ خلني أرتاح تكفى لا تبعثرني خلني وأدري بحالك يا عزيز المرّجله مصعب حروف الشعر لكن .. في غلاك أكتب قصيدي ومسهله ..! الله .. الله يا حُسن القوافي فيك .. ويا بخت البيوت اللي باسمك تحمله ! أما سؤالي !! .. قلت لك لو فيني حيل أكتبه من اوله !! لكن جبانه !!.. ما يخوفني أبد إلا حبيبٍ صعب واجد أزِعله ! لكن عزاي إني بشعري أكتبه أسرر حروفه بين حرفي وأهمله .. وأرجع أحمله ثم اهلمه ثم .. أحضن في خفوقي حب ساكن بأكمله وإنت تدري وآنا أدري .. وكلنا ندري ابزمااان المشكله ..! يمكن سؤالي صعب لكن الصعوبه .. في عمود البيت ترفض أرسله !!, فينا عوايد ما تكون إلا سلوم ٍ ما لها بالدين ساس ولا لها من مدخله !! وش حيلتي ..؟إلا خفوقٍ يا وليف ٍ يا شموخٍ ما توازيك الصفوف المقبله وش حيلتك في من يحبك وينتظر إما وصالك أجمعه ولا شتاتك أقبله ؟ : : .......................... ::: إنتبه يزعل ::: يا عيني كفي الدمع دخيل الله كفيه ..! حرام اللي تساويه ما نساك اللي تناديه فقد لأه وفقد هاه وفقد إيه !! ويا عيني دموعك ما فقدتيه عُقب حالت .. رياح البعد في هالتيه!! نذر بالله .. باسجل مواقف تحتمل تنبيه!! حبيبك أحذرك أصحى يجي يومن تخـــليه !! حبيبك انتبه يزعل هواه إنك تداريه !! تعارك إنت واظروفك وهذب حرفك أقوالك وصبـّـح في صباحه حُب ومســّــه شوق أحضانك : : : .................... ::: كيف يا عيني تنامي ::: ؟ كيف يا عيني تنامي عقب هذا اللي حصل ؟ هذي مأسات المآسي .. هذي ذبحات الأمل ! ... راح هذا اللي وهبته من ضلوعي ما نبض راح واقفيت الليالي يحترق دمعي نهض ... ما بقالي من حياتي غير صرخات العجب ْ ! كلها أهواااااااه فينه ؟ حالتي عقبه شغب ... كلها أنعااااااه حــــي وان توفى ألحقه وإن بقى منّه سوالفيه وضحكاته ولــــه ... احتمال إني بســـافر وأجمل الماضي سجـــا واجمع أوراق المشاعر وأقطع أوراق الغــــلا ! .................. ::: مستحيل إني أصرّح ::: يصبح علي الصــبح .. بسم الله ثم اسمه أقوله يمسي بي مسائن .. زاد في ظيمي حموله ما قويت أحمل دموعن .. هيّظت ثم أجهظوا له واعذره يجهل بني آد .. م أحبَه في خجــولــه مستحيل إني أصرّح .. وأعترف له في عجوله إيه أحبه بس يمكن .. مـا يحب أحدن ينوله !! ودام مقدر أفضح احسا.. سن كريمن ذا سيولـــه من عرفت أنظم قصايد .. ما تعبت أرخي ذلوله أدري لو يدري غلاته .. ما تحمل في ذهوله ! وادري لو يفهم ويعرف .. ما يفرّق في ميولــه : : ::: قصيدة الميلاد ::: واحده من ثلاث قصائد لهذه المناسبه : بالأمس أنظم قصيدة مدح واليوم أبهجو,, يوم ميلادي مثل أمسي .. نــام وقام سيان ِ !! شفت إشلون .. شفت أيام تسعا بي ؟!! و يا عمري .. وبدري بدرها بــادي .. و ما أدري .. وأنا وابخاطري بـــاكي ولكن فيني الضحكة وبوسط روحي حسافاتي أبوي ينسى يهنيني وذاك الغايب السالي !! وأمي ؛؛ ودها تقصد ولكن قصدها ثاني !! فديتج أقصدي فيني ولو قصدج تسبيني ! أوريج العمر سارح وبكره ؛؛ رايحن فيني حروف الشعر ملتني وأشد القاف عــاندني ! I I I فهل أبكي على ماكان ؟!! أو إللي بالقدر مــاهـــان؟! أويلاه العمر خلّــص وحالي من رداته شـــان ! أصيح ودمعتن ناخت على خدن ظناه الشوق لدارن فــ السما تلمع ودارن ما بعد بانــــت! I I I فليتك يا موطنك قلبي تكون أول مهنيني أكون بكلمتك مبروك كطفلن غرد ابضحكه فعالم أزهر بروحي واطير ودنيتي جنه وقلبي حضّن الوردات I I I تعالوا عندي ما يكفي بدمعن ما عرف ظني أصبه من صباح الهم وأضمه ضمّة المقهور يبي يبكي .. يبي مدري وهذا بس ليش إني بتاريخ اليوم ...... ميلادي !! !! .... .. .... :: مدمنه :: ناس أدمنت شرب شاي تشربه .. عادي وهذي سواته وسيء الحظ أدمن سيجاره وضايع الدين أدمن الكاسه ومن حبه الله تداوى .. ومشفى الأمل موطن دواته وأنا بري حالي أدمن الشوق أدمن العشق وان شفت هاته صرت آتفيا ظلال شمسه أشري براده عن هبايب دفاته أحبه وأدمنه ما يدمن العاشق حبيبه إلا وهو أول هــواته ماخبرت القلب يهوى وفي هوته طاح وتوهق فــــي شتاته أدمن الراهي شديد المهابه أدمن طروبه لو لقمتي منه الفتاته داو اللي أدمن غلاتك بالغلا ماخبرنا المشافي داوت سكاته ...... :: كـــــــب الكتـــــاب :: اعتبرني سحاب ٍ مـَرّ واهطل بدمع وجدانه أو هبني سراب أغشى على عين ظميــان ولّا شروق الشمع أكسف الشمع دانـــه واحسن أكون الجرف في درب عميـــان واقديت لو أنا من السهل فقدانـــــــه كـــب الكتــاب اللي حروفه نزف دميان .................................. القصائد بقلم هناء القحطاني وددت لو تحفظ الحقوق لكن لا يمكن بأي حال من الأحوال أن يكون في الإنترنت حقوق محفوظة للأعمال الأدبية سوى أنها في الذمم والناس بذمتهم دمتم على خير 
| |||||
|
|
|
06-04-2009, 09:49 PM
| رقم المشاركة : 6 (permalink) | |||||
| رد: شعر حب عاطفي - شعر غزل رومانسي - مجموعة اشعار قصيرة و طويلة رومانسية بسم الله الرحمن الرحيم كلمات قمة بالابداع والتميز وثراء بالمعاني وما تحمل في طياتها سلمت أناملك بما أبدعت من حروف وكلمات التي تترجم أقوى احساس وأعذب كلمات . وأتمنى لك دوام التقدم والازدهار تقبلي مروري ودمتي بود أخوك : فادي
| |||||
|
|
|
06-07-2009, 06:36 PM
| رقم المشاركة : 7 (permalink) | |||||
| رد: شعر حب عاطفي - شعر غزل رومانسي - مجموعة اشعار قصيرة و طويلة رومانسية لما أصــلك يبقى فصــلك لما كُـل النـاس تفـا صلك جـــوه فـصـلك بــره فـصـلك قــوللى أيــه اللى حصــلك مُــش حا خاصــمك أو أصــالحـك بس قـوللى أيه حصلك أنت قـلبـى ولا ذنبى ؟. لـيه تـدارى... لـيه تخبى ؟. قــوللى ليه نبضك تماللى صــوتـه عالى قــوللى ميـن بـاعـك يـاغـالى ؟.
| |||||
|
|
|
06-07-2009, 06:43 PM
| رقم المشاركة : 8 (permalink) | |||||
| رد: شعر حب عاطفي - شعر غزل رومانسي - مجموعة اشعار قصيرة و طويلة رومانسية وكلي سواليف ... وغلا حبيت ... ورب السماء حبيت الحين أنا بسكة سفر ...و يمكن تطول ...!! الله ... يا حلو السفر ... بالذات إذا هو في هواه ...!! الله على دموع البنات إذا عشقوا ... أحسها ماهي دموع ... أحسها حبة مطر... كله طهر ..<<وه حتى سوالفهم غير ... ويبدون في يوم جديد ... وحلم جديد .. ونظراتهم من جد تتغير كثير ... تصير مرة جارحة ... واحيان تبقى سارحة يا ربي وش حلو البنات ... يجننون فيهم غلا ... وملح ... وحلا ... ما حطه الله ف أحد غيرهم إذا ضحكوا ... وإذا بكوا .. وإذا عشقوا .. وإذا مشوا .. وإذا وقفوا ... وإذا زعلوا ... وإذا رضوا.. وحتى إذاانقهروا بعد ياربي عليهم سبحان من سوى البنات ...!! ويااااه لو تدرون عن حلم حلمته ... البارحة والله خطير والبارحة ماهي مجرد حلم ... البارحه ميلاد ...!! والبارحة سكة سفر ... ودرب طويل شوفوا فديت عيونكم ... وش رايكم في قصتي ...؟! وفستاني ...؟! وعطري ...؟! كله جديد ... كله كل شي تغير في شوق كل القديم اللي احبه اليوم أنا صرت أكرهه اليوم انا ماني شوق .. اليوم انا فيني هوى وعشق جديد وقطعت لعيون الهوى وعد ... وعهد إني ما اخون وابقى على دربي الجديد وعشقي الجديد وعطري وفساتيني الجديده وأنتم ... وش آخر سواليف الهوى معكم ...؟! تدرون ...؟! أنا عشقت البارحة والبارحة ياصار شيء ...!! البارحة بس ( انا ضحكت ) والبارحة بس ( انا بكيت ) والبارحة بس ( سهرت لين الصبح ) ) سمعت من وحدة تقول: ( إن الهوى مثل الربيع ينبت على شفاه البنات وإذا ضحكوا طاح الكرز ) وسمعت من وحدة تقول: ( إن الهوى مثل العطر يفوح بانفاس البنات وإذا حكوا فاح العطر ) وسمعت من وحدة تقول ( إن الهوى هو سبب موت البنات وإذا عشقوا ماتوا قهر ) و وحدة تقول .. وأخرى تقول والحين أنا فعلا عشقت وانا اللي خلوني أقول تدرون وش معنى الهوى ...؟ ( موت وحياة ... وانا عمري القديم ... وقلبي القديم ماتوا جميع البارحة .. والبارحة انا حييت ... بعمر جديد ... وقلب جديد .. وعشق مثل طعم العسل ...!! وأثر الهوى عين العقل .. وهم يقولون الهوى دايم جنون ...!! وحتى إذا عشقي جنون ... يبقى الجنون عين العقل ...!!<<والله صادقه واثر الهوى كله عبث ..لكن يجي منه فنون ) الله على العشق النظيف ...!! عشقت لي قطعة قمر ...!!<<ههههههه رجال ... مو رجال بس ...!!<<وه وربي ي هو كل الرجال ... كله احاسيس ... وغلا .. كله وله... زرع على شفاهي الدلال<<يالبيه إذا ضحكت ...يبكي .. ياربي عليه<<ياي وإذا بكيت ... يموت.. وعساي انا قبله أموت ...!! وإذا لمس كفي بعض كفه شهق ...بسم الله عليه وقام يهذي ...!! ويقول لي أحلى قصيد وإذا انتهى ... يرجع يعيد إلين انام تدرون البارحة وش قال لي ...؟! البارحة قال : ( تكفين ودي تزعلين ...!! وإذا انا غالي عليك لعيوني تكفين ازعلي ...!! تدرين ليش ...؟!) بصراحة خفت ... وقلت..( ليش ...؟!) يقول : ( ابي اتلذذ وانا اطلب رضاك ... وربي ل سوي كل شيء ... إلين ماترضين علي ...!! وحتى إذا صار ورضيتي ...ب ارجع بعد وازاعلك ... واعود أطلب لك رضاك ...!!واسوي كل اللي تبين ... بس ازعلي خليني انعم ب الزعل ... وانعم إذا ترضين ...) وربي جنون ...!! شفتوا الهوى وشلون ...؟! حتى في وقت الزعل يحلى الهوى ...ويحلى بعد إذا رضيت ...!! ياربي وش هالحظ الحلو ...؟! احس انا فعلا حييت ...!! كان الزهر اسود ...والليل هم ... وكانت سواليفي حكي ... واحلامي شتات .. الله علىعشق البنات ... موت وحياة ...!! يا الله نوموا يابنات .. بروح أنا في غرفتي أجلس انا وقلبي جميع ... بلحالنا نقراء دواوين الشعر ..ونضحك سوى ... ونبكي سوى ... وننام ونتغطى باحاسيس البنات إذا عشقوا ...!! ونذوق لو مرة دفى ...!!
| |||||
|
|
|
06-07-2009, 06:44 PM
| رقم المشاركة : 9 (permalink) | |||||
| رد: شعر حب عاطفي - شعر غزل رومانسي - مجموعة اشعار قصيرة و طويلة رومانسية صدّق وإلا ما تصدّق .. أنا عاجز عن التفكير تعال وشوف في عينك غيابك وش عمل فيني حبيبي ما بقى عندي صبر .. يتحمّل التأخير رحلت .. وعقبك الدنيا غلاها طاح من عيني أجاوب اللّي يسألني عن أخباري وأقول بخير وأنا لا خير بغيابك .. ولا حاجه .. تهنيني على طاريك كل لحظه .. ولا أحتاج للتذكير حريص القلب ما ينسى عيونك , لا توصيني محد يقدر يعوّضني لأنّك .. في عيوني غير ومهما شفت أنا الفرحه .. بدونك ما تسليني.. وكيف الحال وشلوني .. جواب ما يبي تفسير بدونك إنت , ما تضحك حياتي وترمش سنيني مثل شاعر عجز يوصف شعوره وخانه التعبير أنا ضايع .. ولا أدري من فراقك .. أنا ويني مثل طير كسر بعدك جناحه وما قدرت آطير أحاول أبتسم وأنسى ولكن وش ينسيني..؟! أشوفك في صباحي إنت معنى يا صباح الخير وأشوفك في مسائي حلم وردي .. لا تصحيني تصدّق .. السهر يرسم عيوني ويتقن التصوير ويشق النور في صفحة حياتي .. وما ألاقيني أنام شلون ومشكلتي عجزت ألقى لها تدبير طلبت النوم .. لحظاته وعيّى النوم يعطيني تغيّر وجهي .. من أوّل غيابك وإبتدى التأثير حبيبي .. من التّعب كافي خذيت اللّي يكفيني يا أغلى من رحل عنّي يا كل الحب والتقدير تعال: إن كان لي عندك معزّه وكان تغليني تعال: إن كنت تعشقني وإذا فعلا تبي لي خير تعال: ومد لي .. كف الوصل .. وآمد كفيني إذا كان الجفا واجب بدى من قلبي التقصير أبيك الحين .. ترجع لي ولا ترجع تخليني أنا ما أقول اللّي صار فيني ما هقيته يصير لأنّي كنت .. ( متأكد ) .. بأن البعد ينهيني
| |||||
|
|
|
06-08-2009, 03:53 PM
| رقم المشاركة : 10 (permalink) | |||||
| رد: شعر حب عاطفي - شعر غزل رومانسي - مجموعة اشعار قصيرة و طويلة رومانسية ليه المشاعر ما تعيش إلا بساعة شوفتك  ليه المحبة والوفا وأبيات شعري تهتويك ليه أنت وبس اللي أموت ببسمتك تدري لو مرة أقول إني كرهتك ما أبيك يرجع علي صوت الصدا يقول الله ما أكبر كذبتك بعض المواقف تجي وتروح ما تبقى وبعض المواقف صداها بالعمر باقي يا صاحبي لا معي تتعب ولا تشقى ما يتبدل الوقت وأخلاقي هي أخلاقي إن جيت أرحب وإن ما جيتني تبقى أنت أكثر انسان عزيته من أعماقي يا سائلة عني من القلب لبييييييه صوت عزيز وغصب عنا نلبيييك تشبهين القمر لا شك نغليك ونفتح لك أبواب الخفوق ونحييك أشري رضى من يشتريني وأراضيه وأقول له بالروح والعين نشريك.. صعب جدا تلاقيني أنا جوهر بحر مكنون أنا لوتقلب الدنيا صعب جدا تلاقيني جمالي من حلا روحي وكل الزين من زيني تصدق عاد يا خلي أنا كلي بكل وصفي بكل زيني عجزت أوصل ربع زينك أبكي قصيدة وأشبك البيت بالبيت وأشكي قوافي الليل من كل ضيقه وأدخل بحور الشعر لا من تجليت وأغوص في وسط البحور العميقة في حبكم لاني بحي ولا ميت كني كسير الطير ماله طريقه ما يصير أنساك لالا ما يصير وفي خفوقي لك معزة وأحترام قبلك الدنيا مثل حلم صغير وعقبك الدنيا غرام في غرام أنت مثل النور في عين الضرير لا لمحتك ما بقى حولي ظلام فيك عمري ..فيك روحي والمصير فيك كل أيام عمري والسلام :s-30 أنادي من سكن بأقصى فؤداي على من هو نفس روحي وزادي على من هو حرم عيني رقادي أنا أهــواه يزور العين طيفه ثم أضمه وأحس أن الهوى عطره وأشمه تدري إني موت أحبك وان مالي غير حبك... واللي ينبض في ضلوعي ما هو قلبي هذا قلبك.. تدري يا فرحي وهمي.. من كثر مانت في دمي كل ما تنظرك عيني عيني من عيني تسمي.. الغلا يا حبيبي أنت والوله يا قلبي والألم يا عمري أنت أنت كل إحساس فيني أنت كل أحلام عمري وروعة الدنيا بعيني خذ غلا عمري وجرحي خذ عناي وخذ هناي بس لي عندك رجاء : الطف بقلب يحبك ويموت فيك ! حب يغيب وصاحبه ما بعد غاب وحب يدوم وصاحبه في غيابه وحب يذوب خافقً ما بعد ذاب وحب يداوي صاحبه من عذابه وحب حياته كلها لوم وعتاب وحب حقيقي ما يضرك عتابه وحب بلا معنى وحب بلاأسباب يبدأ غريب وينتهي في غرابه في خاطري لك شي ودي أقوله مدري تصدقني أو تقول كذاب قلبي يحسك دايم الدوم حوله مع كل دقه يذكرك ياأغلى الأحباب تدري عليك الروح با الحيل توله وتدري بعد طيفك عن العين ما غاب ناج الحبيب اللي توده وتغليه ما دمت حي ودام عينك تشوفه لو صد يشفع له معك حلو ما ضيه وحقه عليك أنك تقدر ظروفه بأخــتــصــار شخص عطاني وده ما نيب ناسيه ومن شرى ودي أنا دايم الدوم شاريه..! لا تلمس الجرح خل الجرح وأسبابه السلام عليكم ورحمة الله وبركاته الله يخليك ما فيني يكفيني حتى حبيبي زمان الحب ما جابه كان آخر إنسان متصور يجافيني يكفيني إنه ترك لي شي أشقابه دفتر قصيد وقلم مسجون بيديني   أحبك يا عيوني خيالك في بالي أرجوك لاتمحيه وتعال بسرعة تراني بنتظارك يالغالي أحبك.... 
| |||||
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| صور انمي حزينة رومانسية | yooyoo | صور انمي - افلام انمى | 6 | 11-10-2009 05:46 PM |
| مسجات رومانسية حلوة - مسجات رومانسية طويلة 2009 | yooyoo | مسجات و رسائل وسائط جوال 2012 | 0 | 12-16-2008 06:05 PM |
اناشيد طيور الجنة - صور×صور - شعر - ازياء - تسريحات 2012 - احدث قصات الشعر - مكياج 2012 - فتافيت - وصفات للشعر - فساتين سهرة - محجبات - محجبات - اسماء اولاد - فساتين سهرة 2012 - فساتين سهرة 2012 - كيف تتعامل مع حبيبك - طريقة عمل الحلويات - العناية بالبشرة - فساتين حوامل 2012 - قصات شعر 2012 - فساتين 2012 - ازياء 2012 - ديكورات منازل - توبيكات ملونه - مركز تحميل الصور - رموز متحركة للماسنجر - برامج 2012 - العاب 2012 - لعبة زوما- مسجات 2012
العرض العادي
